Khawb Mar’tay Nahi
Khawboon ke baat chali hai.. ik misraah bay ikhtyaar laboon pay aa gaya.. khawb jhootay sahi.. khawb saharay tu hain.. par yeah saharay bhi kaya saharay hain.. !
..tamaam umar saharoon ke talaash rehti hai..
..tamaam umar saharay faraib daitay hain..
Faraib tu nazar ka dhooka hai.. jo hai nahi ussi kay honay ka gumaan.. kabhi khushgumaan tu kabhi bad’gumaan.. saraab howay phir tu yeah jaltay bujhtay taroon say chamaktay khawb humaray.. sarab kab kissi ko sukh diya kartay hain.. haan pal ko lagta hai woh jin ko jism ka rowaan rowaan pukarta hai.. jo ban kay moor ban mein nachta hai.. aur kabhi lahoo jaisay rag rag mein behnay lagta hai.. woh khawb hee kul zindagi ka hasil hai.. woh nahi tu sab kis kadar na’mukamal hai.. haan pal ko tu bilkul aisa hee lagta hai.. jaisay waqat ke nabaz ruk jaye gi.. sam’aa tehar jaye ga.. magar khawboon ke zindagi hee kitni howa karti hai.. magar in khawboon mein basay rehnay walay bhi ajab howa kartay hain.. ik pal kay hasool ke payaas jagaye.. sadiyoon say guzar jaya kartay hain.. had say barhti hai yaas ke sayaahi, tu jal bujhtay uth’tay hain.. khaak hoo jatay hain.. khaak ke auqaat hee kaya.. ik jhoonka jo aye hawa ka tu sung uss kay uraay challay jatay hain.. hawaoon ke tu koi manzil hee nahi howa karti.. khawb tu faqat sanam ashna howa kartay hain…. hasool e yaar ho ya ho manzil.. faqat ik zaviyaah e nigaah liyeah rehtay hain..
Diloon mein zinda rehtay hain..
Palkoon pay soye rehtay hain..
Khawb martay nahi.. !!
No related posts.